Titre: Am Yimeslab
Artiste: Zedek Mouloud
Album: Neɣ Ḍelmeɣ
Année: 2019
Am Yimeslab
D tamara neɣ d nnmara
Ma ad hedṛeɣ i lḥiḍ!?
Yiwen hat-it di Fransa
D aεdaw ara iɣiḍ
Yiwen hat di Kanada
Adfel d usemmiḍ
Yiwen ur yeẓra anda yedda!
Ayen i d-isuḍen yedda
D acu ad as-tiniḍ!?
Allen swant, imi yeffud
Azlet ay aman
Sellaw; ara yettɣaṛ wemgud
Ugadeɣ iẓuṛan
Am yimeslav; ad nettgermud
Nettru; yeǧǧa-yaɣ wakud
Nuɣal d imeɣvan
Yiwen nnif-is yečča-t
Sani i la iteddu
Cwiṭ, cwiṭ ara yettmettat
Yerra cci d zzhu
Iveddel ula d tameslayt
Yuɣal ay-iheddeṛ s taεṛavt
Di Tizi-Wezzu
Yiwen ittzuxxu s warraw-is
Heddṛen taṛumit
Qqaṛen-as: "Papa" a lxiṛ-is!
Vava-s inkeṛ-it
Ur yeẓra ara a nnger-is
Ala yetthuddu deg yiman-is
Ru a Taqvaylit
Yiwen feg učamar yettṛebbi
Yuɣal s uqenduṛ
Yerva ifassen-is deg irebbi
Dayen fran lumuṛ
Yesqqaṛ: "dayen yeεfa Ṛebbi
Ad nesvur tacḍaḍt n Nnvi
Ddunit d mm leɣṛuṛ!"
Yiwen Ahyaliluya
Yufa-d amaynut
Yeqqaṛ i Ṛebbi: "Vava"
D mmi-s n tmeṭṭut!
Iḍ d wass ad yettεassa
Ad d-yuɣal Sidna Ɛisa
Anwa i d-yennan: "yemmut!?"
Wa yenna: "lkumca n Yewdayen
Ṭṭfen yal tama
Nekkni s Yeqvayliyen
Γur-sen ncuva
Ad neddu d laεnaya-nsen
Ma yella ḥemmlen-d yisaffen
Aɣ-yezger Musa!"
Yiwen yeqqaṛ: "Lezzayer nneɣ
D nekkni i d imawalan!"
Yiwen yeqqaṛ: "seg-s ad neffeɣ
Akka i d-as-d-tvan"
Yiwen yettezzi i wallaɣ
D yiman-is ad yettnaɣ
Ɛeṛqen yiverdan
Yiwen lḥeṭṭa tella
Iṣurdiyen ulac
Yiwen lḥeṭṭa tella
Idrimen ulac
Yiwen yerka si ssekka
Allaɣ d ameclac
Yiwen yenna-k: "tarewla
Ma yella εeddaɣ tikelt-a
Ttut-iyi ay arrac!"
Wa heddṛeɣ-as deg aḍu!
D taḍsa ala ides!
Wa heddṛeɣ-as ziɣ yettu!
Yeddem-d; ivren-d igiṛṛu
Yeskucver deg-s
Wa yenna: "i yevɣun yeḍṛu
Awi-d tella (Albraü)
Mi tt-neḥma; ad neṭṭes
Awi-d yella (vu uqeṛṛu)
Mi tt-neḥma; ad neṭṭes.
.
.
