Titre: Winna
Artiste: Zedek Mouloud
Album: Neɣ Ḍelmeɣ
Année: 2019
Winna
A taɣalaṭ di lḥara
Nekk yid-m neẓra
Ayen-nniḍen; dayen kan
S tuffra; tefra, ur tefra
Teḍra neɣ ur teḍra
Win yettkan, win yettekkan
Tamara akked nnmara
Yal wa anda yerra
D acu ara d-tgeḍ a lukan!?
A nekk, a nekk
Amer yiwen d nekk
Wayeḍ am nekk
A yemma amek ara as-geɣ
I win yugin gma-s am nekk
Mi kkreɣ; ad t-qeṛveɣ
As-inin medden: "ɣur-k!"
Ayen yakk keṛheɣ
Yettawi-t-id d amcarek
Nekk ur zmireɣ as-hedṛeɣ
Ssusmeɣ; tagmat tehlek!
*Win vɣant wallen-iw
Yegguma ad d-yemmuqel
Win yevɣa wul-iw
Ur ivan anda yewḥel!?
Ur yeqqim walag
Yal wa ɣef yiman-is yefreg
Tadfart temcerrag
Ṣṣwav neḥdeṛ mi yezleg!
Tidet mi tunag
Ula yiwen ma yecleg
Ngerrez anafag
Nemla-yas ad tesriffeg
*Win vɣant wallen-iw
Yegguma ad d-yemmuqel
Win yevɣa wul-iw
Ur ivan anda yewḥel!?*
Neẓẓa tikerkas
Nṛebba-tent; wḍent d tuḥsifin
Ǧuǧǧgent d nnḥas
Lɣella; d yir tismin
Nemger timenqas
Ncudd-itent-id d tizedmin
Neḥmeẓ tiyerwas
Negla s uḍad ad tent-yefsin
*Win vɣant wallen-iw
Yegguma ad d-yemmuqel
Win yevɣa wul-iw
Ur ivan anda yewḥel!?*
Nelmed taɣyulit
Nekkes-as azal i tmussni
Nkuver tizzuhrit
I tettɣaḍeḍ a vu tsusmi
Nettzuxxu s wucmit
Neǧǧa win yelhan; yeɣli
Nessegra Taqvaylit
Nteddu; ur ivan sani!
*Win vɣant wallen-iw
Yegguma ad d-yemmuqel
Win yevɣa wul-iw
Ur ivan anda yewḥel!?*
D yir lmenṭeq
D winna i d tuffɣa n leεqel
Am txendaq
Syin i d-itekk ddɣel
Ur nuki, ur nfaq
Mi nufa tawwurt temdel
Γer daxel tfelleq
Nettɣummu-tt; nevɣa ad tεeṭṭel.
