 |
| Tafsut n Tmanyin.2020 |
TAFSUT N TMANYIN
D Dda Lmulud
Deg wasif n At Ɛisi
I aɣ-yerran afud
Nekker ad nesteqsi
La tettenfufud
Ar ass-a ur texsi
Ass wis εecrin
Deg waggur n yevrir
D tafsut n tmanyin
A win ur neḥdiṛ
Arrac, tiḥdayin
Nnan-d ad tidir
Am yiwen i d-nsuɣ
Neεya di lvaṭel
Ur nḥebbes amennuɣ
Alma tveddel
D avrid ay d-nuɣ
Ad nnadi ɣef laṣel
Ass wis εecrin
Deg waggur n yevrir
D tafsut n tmanyin
A win ur neḥdiṛ
Arrac, tiḥdayin
Nnan-d ad tidir
Tizi d vgayet
Akked d tuviret
Tadyant d yiwet
Tayet ɣer tayet
Lekdev yessexmet
Testeqsa-d tidet
Ass wis εecrin
Deg waggur n yevrir
D tafsut n tmanyin
A wid ur neḥdiṛ
Arrac, tiḥdayin
Nnan-d ad nidir
At yiseɣ d tismin
Nnan-d ad tidir
I yettwajerḥen
I yeččan tiɣṛit
I yettwaḥevsen
Di tarwa n teqvaylit
I tmaziɣt-nsen
Ṛẓan tisseɣlit
I tedyant-nsen
Ṛẓan tisseɣlit
Ass wis εecrin
Deg waggur n yevrir
D tafsut n tmanyin
A win ur neḥdiṛ
Arrac, tiḥdayin
Nnan-d ad nidir
Arrac, tiḥdayin
Nnan-d ad tidir
S tiṣeḍwa n wuzzu
Iverdan cevḥen
Nettuɣu, ncennu
"D IMAZIΓEN"
Ur nettṛuẓu, ur nkennu
Ur tettnuzu, ur tṛehhen
Yengugel udrar
Mbawlet tudrin
Yengugel Ǧeṛǧeṛ
Mbawlet tudrin
Zelzen izuɣaṛ
Akked d timdinin
Dayen ifukk wurar
A wid i tt-yugin
Ad tt-nerr, ad tt-nesɣeṛ
Ad tif tutlayin
Ad as-ngerrez annar
A wid ur numin
Ad tt-nerr, ad tt-nesɣeṛ
Ad tif tutlayin.
