 |
| Tissirt n Nndama, Matoub Lounes |
Dayen iduv ṛṛuḥ
Ay lmeḥna fell-aɣ tezdel
Ay qlil win tezgel
Ay ur derra dwa iy ferrawen-is
A di lḥevs n lɣerva neḥṣel
A negguma ad nerwel
Ay aṭṭan inecded lehl-is
A di lḥevs n lɣerva neḥṣel
A negguma ad nerwel
Ay aṭṭan inecded lehl-is
Ay idurar d sswaḥel
Snefsusi-t ddel
A kul wa ad yuɣal s axxam-is
_
Mačči d lḥevs ig waɛren
Neɣ d laẓ id aɣ yernan
D ttimura n medden ig saɛven
Ulawen ur ttemyeẓṛan
Uh ay iḥviven
Ɛarqen wussan d wuḍan
Temzi-w ɛzizen
Yewwet-itt ugelzim n zzman
D leṣnaf tegzem
S yis i ṣeḥren leɛwam
D leṣnaf tegzem
S yis i ṣeḥren leɛwam
_
Dayen iduv ṛṛuḥ
Dunnit ziɣen d aɣuṛṛu
Ǧǧet-aɣ ad nruḥ
Fket-aɣ ssaɛa n bermesyun
_
Taṣevḥit qvel ad tekker
Ad ttawi avrid ɣer tala
Ttxil-k ay itri n lefjer
Siweḍ-as slam i yemma
Inas ad tesveṛ
Ẓẓuṛ yesɛa taggara
Am ass-a ad nemẓeṛ
Lḥevs ur yettdum ara
Ma ɣezzif leɛmeṛ
D way turew ad temlil tassa
Ma ɣezzif leɛmeṛ
D way turew ad temlil tassa
_
Dayen iduv ṛṛuḥ
Dunnit ziɣen d aɣuṛṛu
Ǧǧet-aɣ ad nruḥ
Fket-aɣ ssaɛa n bermesyun
_
Aṭṭan ɛebban-t tuyat-im
Yiwwas ad yennefsusi
Am kem am tizyiwin-im
Amed saḥ lehna deg iɣef-im
A zwaǧ n leḥlal
Ṣveṛ lefjer ad yali
Drus i s-mazal
Ad ifeǧeǧ am zik nni
Ad tesɛud azal
Taselquft ur tettili
Ad tesɛud azal
Taselquft ur tettili
_
Dayen iduv ṛṛuḥ
Dunnit ziɣen d aɣuṛṛu
Ǧǧet-aɣ ad nruḥ
Fket-aɣ ssaɛa n bermesyun
_
Mačči siwa nekkini
Geddac yid-neɣ i nella
Kul yiwen akken i yettwarwi
Kul wa akken itqeccem lmeḥna
Ay itri igenni
D kečč i d aḥviv n levda
Xas azen-d i mmi
Lkuraj aked ṣeḥḥa
D aqel ur yettili
Xas vava-s di lḥevs yerka
D aqel ur yettili
Xas vava-s di lḥevs yerka
_
Dayen iduv ṛṛuḥ
Dunnit ziɣen d aɣuṛṛu
Ǧǧet-aɣ ad nruḥ
Fket-aɣ ssaɛa n bermesyun
Dayen iduv ṛṛuḥ
Dunnit ziɣen d aɣuṛṛu
Ǧǧet-aɣ ad nruḥ
Fket-aɣ ssaɛa n bermesyun
Titre: Dayen iduv ṛṛuḥ
Album: Tissirt n Nndama
Artiste: Matoub Lounes
Année: 1987
