 |
| Album: Ay Izem - Lounes Matoub |
Anef-iyi
Anef-iyi ad ruɣ
Eǧǧ-iyi ur tedduɣ
Ṣṣber ur yelli
D lmeḥna ad s-cfuɣ
Di lkaɣeḍ ad tt-aruɣ
Akken ad nemmekti
Beddeɣ am lexyal
Lmektub imal
Ur iban lateṛ-is
Leḥbab nḥemmel
Ttun-aɣ kamel
Yiwen ur d-yeḥbis
Di lmeḥna i d-yettlal
Mmi-s n leḥlal
Ddunit s lqis
Anef-iyi ad ruɣ
Anef-iyi ad ruɣ
Eǧǧ-iyi ur tedduɣ
Ṣṣber ur yelli
D lmeḥna ad s-cfuɣ
Di lkaɣeḍ ad tt-aruɣ
Akken ad nemmekti
I d-mennant wallen-iw
Yettagwi-t wul-iw
Ur ḥsiɣ ayen
Ssakdeɣ ɣer lateṛ-iw
Kemmleɣ abrid-iw
Ḍemεeɣ ig yelhan
Taggara sseεd-iw
Yerwel-d zzehṛ-iw
Ɣur-i ur d-uɣalen
Anef-iyi ad ruɣ
Anef-iyi ad ruɣ
Eǧǧ-iyi ur tedduɣ
Ṣṣber ur yelli
D lmeḥna ad s-cfuɣ
Di lkaɣeḍ ad tt-aruɣ
Akken ad nemmekti
Inεel bu-k a lḥif
Ig rennun urrif
Neṣber-ak neεya
Teṛṛiḍ-aɣ ɣer rrif
Seg yiɣes adif
Ur d-yegwri ara
Ulac uɣilif
Mi ɣ-regmen wid nif
Neṣber i tlufa
Anef-iyi ad ruɣ
Anef-iyi ad ruɣ
Eǧǧ-iyi ur tedduɣ
Ṣṣber ur yelli
D lmeḥna ad s-cfuɣ
Di lkaɣeḍ ad tt-aruɣ
Akken ad nemmekti
Titre: Anef-iyi
Album:Ay Izem
Artiste; Matoub Lounes
Année: 1978
