 |
| Muqleɣ / Idir 1976 |
Ur ẓriɣ ansi-d kkiɣ
Ur walaɣ s anda tedduɣ
Mi kkreɣ ad steqsiɣ
Ad afeɣ liḥala tluɣ
Amzun seg iggeni id ɣliɣ
Ccah deg-i imi tettuɣ
Ccah deg-i imi tettuɣ
Beddeɣ di tiɣilt sawleɣ
Tiɣri-w teɣli ɣer walluy
Mekkneɣ lewhi-w ad sleɣ
Allaɣ itezzi irennu
Tḍal-d lqebla muqleɣ
Tumer-iyi-d tennad knu
Tumer-iyi-d tennad knu
Muqlaɣ tamurt Umaziɣ
Yugurten walaɣ udem-ik
Nnesma-nni n wanda lliɣ
Hulfeɣ tcewwek s isem-iw
Tabrat-ik segmi i tt-ɣriɣ
Ferheɣ immi lliɣ d mmi-k
Ferheɣ immi lliɣ d mmi-k
Mazal ad n-ɣez ad nmuqel
Ad nelḥu, ad nesteqsi
Ulac tardast ara nezgel
Ad nessiɣ tafat ma texsi
Ma nḍeggeɛ lkenz n leɛqel
Aneɣrum-is ulansi
Aneɣrum-is ulansi
Ur ẓriɣ ansi-d kkiɣ
Ur walaɣ s anda tedduɣ
Mi kkreɣ ad steqsiɣ
Ad afeɣ liḥala tluɣ
Amzun seg iggeni id ɣliɣ
Ccah deg-i imi tettuɣ
Ccah deg-i imi tettuɣ
Titre: Muqleɣ
Album: A vava inuva
Artiste: Idir
Année: 1976
