I waggad-iw - Lounis Ait Menguellet 2017

Tudert-nni.2017

I waggad-iw

Seg ass mi nemlal
Deg w-ass amenzu
Ass-n id nettlal
Nezha neɣ nettru

Neḥfeḍ-d akkeni
Zman yesseɣeṛ-aɣ
Mi nefṛeḥ ad-n-ɣenni
Mi nezɛef nettnaɣ

Ayen iɣ icerken
Dges nemyeɛqal
Aman ma nneɣlen
Ur yerzi uvuqal

Yiwen uxxam nneɣ
Deg-s ur nessexsaṛ
Win yecḍen deg-neɣ
Wayeḍ ad-d-yer ttaṛ

Acḥal d aseggas

Id nettemlili
Ɛedda-n am yiwwas
Uzlen nettwali

Skud i la-nẓeṛ
Wid ak nḥemmel
Yidsen nheddeṛ
Ma d-hedṛen la n-sel

Nezṛa ayen yeḍra-n
Ur nezri a yeḍṛun
Nemcarak uḍan

D wid yettargun

Nḥemmel ad-n-idir
D wid-ak yeddren
Ɣas ad-nettfekkir
Wigad yemmuten


Cciv ɣeṛ wiyaḍ 

I la t-nettwali
Nedda di leɣlaḍ

Yeskaddev-aɣ lemri

Ma nemẓeṛ nefṛeḥ
N-tettu lehmum
D ayen ak i d ssaḥ
Nevɣa ad-aɣ-idum

Ɣas ur neẓri-ara
Ayen ad-yas-n anef-as
Ad t-neǧǧ iw-zekka
Yak ad yali wass

Ad n-idir ussan
Akken ara ad-ass-n
S wudem yeḍṣa-n akken
Ad aɣ-d-ḍṣen

Wi ḍemnen iman-is
Azekka ur t-yettfat
Ad llin-t wallen-is
Ad ẓren-t tafat

Aḍaṛ di lqaɛa
Wayeḍ ikcem arkam
Yal-ass ur neẓra
Ma ad n-mmet neɣ ad-n-cav

Aḍaṛ deg uẓekka

Wayeḍ di ddunit

Neqṛev taggara 

Nevɛed talalit

Ad n-faṛes ad nemlil

Ɣeṛ tudert nerzef

Wissen ma ad t-iwzil

Neɣ ad-ssiɣzef

Nezger di tḥemmal

Id yenɣel zman

Ɛeddan-t ur n-mal 

Leqṛun yak zṛa-n

Tecfam akken cfiɣ

I yal d lvaṭel

Di leɛmeṛ zriɣ 

Tuggadem akemmel

Telḥa-m ɣeṛ zdat 

Ula di tsusmi

Telḥa-m am tafat 

I ɣelven tiɣri

Mi ara d-tneṭqem

Ttadden waman

Mi ara d-tḥemlem

D avrid iw-n-ǧǧan

Nettṛaǧǧu cnawi 

Widak i nectaq

Cennun-d ɣef tayri

Ɣef wid yedla lfiraq

Nettṛaǧǧu cnawi 

Widak i nevɣa

Yis l-ad-nettmekti

Si yal d lmeḥna

Nettṛaǧǧu cnawi 

Nettṛaǧu acennay 

Ad n-sel ad n-wali 

Ayen ad yawi ɣlay

A wid iḥulfan 

Lḥeq ma as-t-terrem

Nettassed s wurfan 

Nettawi assirem

Seg wa ɣeṛ wayeḍ

Neḍḥa-d nemyussan

Almi ur nessaweḍ 

Leḥsav i wussan

Nemlal gar-aneɣ

Nessen nettwassen

Taqvaylit nneɣ

I d-aɣ icerken

Nemsaɣ tanumi

Neɛdel tiktiwin

Ma ad-nettemlili

Ulawen tellin

Mi neger aẓeṭṭa

Aẓeṭṭa s teqvaylit

Wa ad-t-id yeǧǧ i wa

Ad teḥyu tjaddit

Titre: Slam i Temẓi
Album: Tudert Nni
Artiste: Ait Menguellet
Année: 2017