 |
| Tudert-Nni / LAM 2017 |
Ẓer kan
Ẓer kan aveḥri id yettuḍun
Win yeslufun win ivennun
Win yetthuddun win icennun
I yettaḍṣan i yettuɣun
Id yettawin tudert lmut
Id yettawin tudert lmut
Ẓer kan aveḥri i yettṛuḥun
Di yal tiɣilt di yal axxam
Yettazalen deg uzal ṭlam
D-iqellɛen iẓṛa si leḥyuḍ
I yettaken ssut i lexyuḍ
Id yettawin laẓ aked lmut
Ẓeṛ kan aveḥri id yettṛuḥun
Yettdeggir lembaveṛ ɣef aman
I ten yessrussun i ten iqelleɛen
Iveḥriyen yessexrav targit
Neɣ yettara levḥeṛ am zzit
Win iḍemnen tudert lḥut
Win iḍemnen tudert lḥut
Ẓeṛ kan aman yettazalen
Di leɛwanṣaṛ aked issaffen
Yettaken tudert di lexmla
I yal imɣi, yal ṭejra
ulac tudert ma ulac-iten
Ẓeṛ aman id yekkaten
Seg genwan xelqen-t issaffen
Yiwen ur ttqataɛen ifassen
Ɣas glan-d s lxuf i wemdan
Ulac tudert mebla yissen
Ẓeṛ aman ma teffadeḍ
Mi tenteswiḍ ad t-idireḍ
Mi teṛwiḍ ad ten-t nneɣleḍ
Fell-asen tzemreḍ ad tenɣeḍ
Ma yusa-d wass i deg ad k-xaṣen
Ẓeṛ kan times tettagaḍeḍ
Ɣas fell-ak tettara aṣemmiḍ
Treggleḍ-as ma sges teṛɣiḍ
Tettqerriveḍ-tt ma sges teḥmiḍ
Tesewway-ak-d ma tellaẓeḍ
Ẓeṛ kan times d-iwwin tafat
Ɣas aṣɣaṛ di lɣava tečča-t
Tekcem lexyuḍ tuzla f-leḥyuḍ
Yid-s teddereḍ yid-s tleḥuḍ
Iṭij yevɣa yes ad t-ẓerreḍ
Ẓeṛ kan times tettagaḍeḍ
Tesneḍ-tt seg asmi id t-luleḍ
S ges teččiḍ ɣeṛ-s teẓẓuẓneḍ
Teswasi-k asmi akken tuḍneḍ
Tezha yid-k asmi akken tfeṛḥeḍ
Ẓeṛ kan akal i tennuleḍ
Nnan sseg-s id t-luleḍ
Deg-s trekḍeḍ deg-s tzerɛeḍ
Sges teččiḍ ɣeṛ-s tessusfeḍ
Netta ad-k yeṣeṛ asma truḥeḍ
Netta ad-k yeṣeṛ asma truḥeḍ
Ẓeṛ kan akal nni tḥeqṛeḍ
Si yal ammus ɣeṛ-s tsefḍeḍ
Tettuḍ lɣella iked ikeṭṭeṛ
Asmi teṛwiḍ teǧǧi-t yenṭeṛ
Yal lxir-is deg-s tnekṛeḍ
Ẓeṛ kan akal i seg i teddmeḍ
Si yal ṛṛeẓq is id tekkreḍ
Ad aked yini aḍu tḥeqreṭ
Yernu lxiṛ n tmes tnekkreṭ
Azal n waman tregmeṭ
Ad k-faten ak asmi ad t-neddmeḍ
Ad k-faten ak asmi ad t-neddmeḍ
Ad k-faten ak asmi ad t-neddmeḍ
Ad k-faten ak asmi ad t-neddmeḍ
Ad k-faten ak asmi ad t-neddmeḍ
Ad k-faten ak asmi ad t-neddmeḍ
.....
Album: Tudert Nni
Artiste: Ait Menguellet
Année: 2017
